MOJ KAJ V ZELINE - 40. RECITAL SUVREMENOGA KAJKAVSKOG PJESNIŠTVA "Dragutin Domjanić" u Sv. Ivanu Zelini, 2021. Promoviran je i zbornik poetskih radova "NAVADE NOVOG VREMENA" u kojem je i moja pjesma MOST, SOL I KRUF... Počašćena sam.
MOST, SOL I KRUF
V selu sem se zrodila,
V selu sem odrosla;
V cirkve selske Boga sem molila
I v molu školu hodila.
Na molomu gruntu
Naša hiža je bila;
Ni kravicu nismu imali,
Niti smu zlotno žito želi...
Otec je na pilane delal,
A mama lepi vrt imala;
Najbolši kruf, z krušne peči,
Babica je delati znola.
Kad sem z susedov decum
Po bregima blogo posla,
Most, sol i kruf smu jeli,
Kak cukor, to smu voleli.
I selske smu jabuke
Mi deca z grojna tresli,
Dok smu veselo
Na polu detinstva rosli...
Sega toga več dugo ni,
Samo v sečajnu mojemu spi.
Zdenka Mlinar
svibnja 2021.
